Nakarating na sa Pilipinas ang equipment support na bigay ng Japan upang mapabuti ang data management at telemedicine sa bansa ngayong may pandemya ng COVID-19.
Sa pamamagitan ng Research Institute for Tropical Medicine (RITM) ay naipahatid ng Japan International Cooperation Agency (JICA) ang mga donasyong bagong laptops, desktops, at iba pang information at communications technology (ICT) na may kabuuang halaga na 16 na milyong piso.
“The pandemic highlighted the need for rapid, full-scale, whole of society approach, and whole of government public health response. The equipment provided by JICA will help enhance our surveillance and testing capacity even beyond the pandemic, particularly on future outbreaks,” saad ni RITM Director Dr. Celia Carlos.
Una nang nagbigay ang JICA sa RITM at San Lazaro Hospital ng mga kagamitang pang-laboratoryo para sa COVID-19 testing, pharmaceutical refrigerator at freezer para sa sensitive medicine at pharmaceutical supplies, pati na rin automated immunoassay analyzer ng mga test results sa pagsisimula ng pandemya.
“Data management and surveillance will certainly help enhance the Philippines’ response against COVID-19 and future health emergencies by providing health experts sound data and contribute effectively to public health policies,” sabi ni JICA Chief Representative Eigo Azukizawa sa pahayag na inilabas ng ahensya. - FJJ
(Photos courtesy of JICA Philippines)
